Бул туурасында “Ата Мекен” партиясынын Москва районундагы тескөөчүсү Калык Рүстөмов “Азаттыкка” маалымат берди. Маалыматка ылайык, эртең партиянын Чүй аймагындагы мүчөлөрүнүн жыйыны болуп анда, генерал Исмаил Исаковду жана Петровка окуясынын уюштуруучулары катары сегиз айдан бери камакта жаткандарды боштондукка чыгаруу талаптарына кошулуу маселеси талкууга алынат. Алдын ала маалымат боюнча, эртең Чүй аймагынын айрым райондорунун борборлорунда ачкачылык иш чарасы башталышы мүмкүн. (JJ)
