2009: Жылдын көз ирмемдери (ZMa)
19-январда орусиялык адвокат Станислав Маркеловду Москвада белгисиз адамдар атып кетишти. Маркелов сотто чечен үй-бүлөсүнүн укугун коргоп келген.
20-январда АКШ президенти Барак Обаманын ант берүү салтанаты өттү. Сүрөттө: Барак Обама жубайы Мишел менен.
Смоленск жана Калининград митрополити Кирилл расмий түрдө Орусиянын ортодокс чиркөөсүнүн жаңы жетекчиси болуп калды. Москванын Ыйык Ыйса чиркөөсүндөгү иш-чарада ал орус православ чиркөөсүнүн 16-патриархы деп аталды.
10-февралда Тегеранда Ислам революциясынын 30 жылдыгы белгиленди.
15-февралда Косово Сербиядан көз карандысыздыгынын бир жылдыгын белгиледи. Сүрөттө: Приштинанын түштүк-чыгышындагы Качаник шаарында косоволук албандардын улуттук байрактары.
АКШнын мамлекеттик катчысы Хиллари Клинтон Орусиянын тышкы иштер министри Сергей Лавров менен Москвада жолугушуу маалында эки өлкөнүн ортосунда мамилелер оңоло баштаганын билдирди.
Ирактык полиция айымдар Багдаддын түштүгүндөгү Кербала шаарында АК-47 үлгүсүндөгү куралдарды колдонууну үйрөнүшүүдө. 26-март.
Кремлчил “Наши” жаштар уюмунун мүчөлөрү Грузиянын президенти Михаил Саакашвилинин сүрөтүнө бут кийимдерин ыргытышты. Москва, 1-апрель
5-апрелде АКШ лидери Барак Обама Чехиянын ордо калаасы Прагада болуп, Чехословакиянын алгачкы президенти Томаш Гаррик Масариктин айкелининин алдында сөз сүйлөдү. Өз сөзүндө Обама дүйнөлүк өзөктүк куралдануу тууралуу көз карашын билдирди.
8-апрелде Молдованын ордо калаасы Кишиневдо массалык нааразылык акциясы башталды. Демонстранттар шайлоодо Коммунисттик партиянын жеңип чыгышына карата нааразылыгын билдиришип, шаарда башаламандыктар орун алды.
18-апрелде Тегеранда Армия күнүнө карата парад өтүп, ага ирандык көзгө атаарлар да катышты.
Иранда оппозициядан президенттикке талапкер Мир Хосейин Мусавинин жактоочулары менен полиция ортосунда кагылышуулар орун алды. Сүрөттө: ирандык полиция кызматкери демонстранттарга каршы көздөн жаш агызуучу газ колдонууда. 13-июнь, Тегеран.
Видео тасмадан көз ирмем: Неда Ага-Солтан аттуу кыз 20-июнда Тегерандагы нааразылык акциясы маалында ок жеп, ошол жерден көз жумган. Анын образы Ирандын азыркы бийлигине каршы баш ийбөөчүлүктүн символу болуп калды.
Сүрөттө: поп-музыка падышасы Майкл Жексондун ирандык күйөрмандары даярдаган плакаттар. Майкл Жексон 25-июнда 50 жаш курагында жүрөк оорусунан дүйнө салды.
7-июлда Үрүмчүдө жергиликтүү уйгур азчылыгы менен ханзу кытайлыктар ортосунда кагылышуулар орун алды.
Москвада тартип коргоо кызматкерлери оппозициянын митингин күч менен таратты.
Орусиянын премьер-министри Владимир Путин Түштүк Сибирдеги Кызыл шаарында эс алуу маалында. 3-август.
Түштүк Осетиянын борбору Цхинвалиде 2008-жыл, 8-августтагы орус-грузин согушунун курмандыктары эскерилди.
8-августта Иран оппозициясынын тарапкерлери шайлоодон кийинки массалык башаламандыктарга катышты деген кине менен соттолушту.
Ооганстанда президенттикке талапкер Абдулла Абдулланын миңдеген колдоочулары 14-августта шайлоо алдындагы митингге чогулушту. Абдулла Абдулла шайлоодо ооган президенти Хамид Карзайга утулуп калган. Бир катар эл аралык байкоочулар шайлоо бурмалоолор менен өткөнүн билдиришкен.
Чуваш республикасынын Булгар шаарында имамдар куран окушууда. 17-август.
17-августта Ингушетиянын Назран шаарында полиция бекетине кол салуу болду.
19-августта Сибирдеги Саяно-Шушенск ГЭСинде ири кырсык болду. ГЭСтеги кырсык бери дегенде 75 кишинин өмүрүн алып кетти.
Сүрөттө: 20-августта Кабулда өткөн президенттик шайлоодо добуш берип чыккан оогандык келин.
Польшанын ардагерлери 1-сентябрда Гданск шаарында Улуу Ата мекендик согуштун башталышынын 70 жылдыгын белгилешти.
Дүйнөлүк экономикалык кризистин кесепетинен эң көп жабыркаган өлкөлөрдүн бири – Украина болду.
1-октябрда Кытайдын ордо калаасы Бээжинде Коммунисттик бийликтин 60 жылдыгына арналган иш-чаралар өттү.
12-октябрда АКШнын мурдагы президенти Билл Клинтондун айкели Косовонун ордо калаасы Приштинадан алынды.
АКШнын деңиз аскер күчтөрү Ооганстандын түштүгүндөгү Фарах вилайетинде тик учакты күтүшүүдө. 12-октябрь.
Америкалык актер Энди Гарсиа 2008-жылкы орус-груз согушу тууралуу тасмада Грузиянын президенти Михаил Саакашвилинин ролун ойноодо.
25-октябрда Ирактын ордо калаасы Багдадда Адилет жана эмгек министрлигинин алдында унааларга орнотулган бомбалардын жарылуусунан бери дегенде 90 киши набыт болду.
28-октябрда Пакистандын Пешавар шаарындагы базарда террордук кол салуудан бир нече дүкөндөр өрттөнүп кетти. Сүрөттө: Ошол дүкөндөрдүн биринин ээси.
Дүйнөлүк коомчулукту сестендирген чочко ылаңы Орусиянын Чита шаарына да жетти.
5-ноябрда Техастагы Форт-Худ аскер базасында армиянын майору Малик Хасан Иракка баргысы келбей, он үч кишини атып, отуздай адамды жарадар кылды. Техастагы Форт-Худ базасында 40 миңдей аскер жайгаштырылган жана дүйнөдөгү эң ири базалардын бири эсептелинет.
8-ноябрда Германияда Браденбург дарбазасынын алдында Берлин дубалынын урашынын 20 жылдыгы белгиленди.
15-ноябрда Белградда Сербиянын патриархы Павел менен коштошуу зияраты өттү.
17-ноябрда Чехиянын ордо калаасы Прагада Жибек ыңкылабынын 20 жылдыгы салтанаттуу белгиленди.
26-ноябрда мусулман зияратчылар Арафат тоосунда чогулушту. Жыл сайын өтчү ажылыкка 2 жарым миллион зияратчы катышты.
28-ноябрда Орусиянын Новгород облусунда поезд жолго коюлган бомбага кабылып, бери дегенде 30 жүргүнчү набыт болду.
Норвегиянын борбору Ослодо АКШ президенти Барак Обамага Нобел тынчтык сыйлыгы тапшырылды. 10-декабрда өткөн салтанаттагы сөзүндө Обама Нобел комитетинин чечимин жогору баалап, дүйнөлүк куралсыздануу ишин улантканга убада берди.
Тегеранда коопсуздук күчтөрү менен өкмөткө каршы демонстранттардын 27-декабрдагы кандуу кагылышынан улам кеминде сегиз адам каза тапты. Бул окуя шийилердин өтө маанилүү "Ашура" диний майрамына жана Ирандагы оппозициячыл кыймылдын руханий жолбашчысы, маркум Улуу аятолла Хосейн Али Монтазеринин жетилигине тушташ орун алды.