Орусиянын президенти Дмитрий Медведев иш-сапар менен Ашгабадга кечээ кечинде барган. Ал түркмөн президенти Гурбангулы Бердымухаммедов менен түркмөн газ куурун кайра ишке киргизүүнү талкуулайт деп күтүлүүдө. Быйыл апрелде эки өлкөнү бириктирген газ куурунда жарылуу болуп, түркмөн газы ошондон бери Орусияга жетпей калган. Медведев Ашгабадга ушул айдын башында Түркмөнстан Кытайга газ жөнөтүүчү куурду ишке киргизгенден кийин келип отурат.
