Ыйгарым укуктуу мөөнөттөрү аяктагандыгына байланыштуу Нарын облусунда 18-декабрда айыл округ башчыларын шайлоо башталды. Бүгүнкү күнгө карата 9 айыл округ башчысы атаандаштык негизде айылдык кеңештин депутаттары тарабынан шайланды. Алардын экөө - айымдар. Ак-Талаа районундагы Ак-Тал айыл округунун башчылыгына Динара Ысамамбетова кайрадан ишеним алса, ушул эле райондун Үгүт айыл округун жетектөөгө депутаттар Айгүл Орозобековага артыкчылык добуш беришкен. Ал эми 26-декабрга чейин дагы 19 айыл округунун башчылары депутаттардын элегинен өтмөкчү. Мындай маалыматтар облустук акимчиликтин аппарат жетекчиси Бейшенаалы Боогачиевден алынды. Нарын облусунда бардыгы 63 айыл округу бар. (KUs)
