Жогорку Кеңештин бюджет жана финансы боюнча комитети БУУнун Өнүктүрүү долбоорунун жана Европа кеңешинин парламенттик долбоорунун көмөгү астында “Кыргыз Республикасынын 2010-жылга карата бюджети жана 2011-2012-жылдарга карата болжолу” аттуу мыйзам долбоорун ачык талкууламакчы. Ага бардык кызыкдар тараптар, мамлекеттик органдардын өкүлдөрү, саясий партиялар, ишкерлер коомчулугу жана бейөкмөт уюмдардын өкүлдөрү чакырылууда.
Парламенттик угуу 21-декабрь күнү саат 11:00дө болмокчу.
Айта кетсек кечээ Жогорку Кеңеш аталган мыйзам долбоорду карап, депутаттардын сунуштарын эске алуу менен биринчи окууда кабыл алган.
Ага ылайык 2010-жылга карата республикалык бюджеттин киреше бөлүгү 51,6 (2009-жылы 48,1) млрд. сомду түзсө, чыгаша бөлүгү 65,2 (2009-жылы 52,5) млрд. сомду түзөт. Салыктык киреше – 41 млрд. сом. Ошону менен бирге, бюджет таңсыктыгы 13,5 млрд. сомдун тегерегинде болмокчу.
Эми ачык парламенттик угуудан кийин да кийинки жылдын бюджети боюнча мыйзам долбоорго өзгөртүү кирип калышы мүмкүн. (IJz)
Парламенттик угуу 21-декабрь күнү саат 11:00дө болмокчу.
Айта кетсек кечээ Жогорку Кеңеш аталган мыйзам долбоорду карап, депутаттардын сунуштарын эске алуу менен биринчи окууда кабыл алган.
Ага ылайык 2010-жылга карата республикалык бюджеттин киреше бөлүгү 51,6 (2009-жылы 48,1) млрд. сомду түзсө, чыгаша бөлүгү 65,2 (2009-жылы 52,5) млрд. сомду түзөт. Салыктык киреше – 41 млрд. сом. Ошону менен бирге, бюджет таңсыктыгы 13,5 млрд. сомдун тегерегинде болмокчу.
Эми ачык парламенттик угуудан кийин да кийинки жылдын бюджети боюнча мыйзам долбоорго өзгөртүү кирип калышы мүмкүн. (IJz)