Бүгүн Даниянын борбор шаары Копенгагенде климаттагы өзгөрүүлөр боюнча саммит башталууда. 140тан ашуун өлкөдөн келген расмий адамдар аба ырайынын ысышы жараткан проблемаларды талкуулап, Киото протоколун алмаштыра турган эл аралык келишим боюнча мунаса табууга аракеттенишмекчи. БУУнун баш катчысы Пан Ки Мун саммит жемиштүү аяктайт деп ишенеерин айтты. Кечээ жекшемби күнкү таат маалында Рим папасы Бенедикт XVI жыйынга ийгилик каалады.
