Эки тарап энергия боюнча кызматташтыгында соңку жылдары орун алган кризистерге жол бербөө аракетинде эскертүүнү эрте берүү системасын киргизүүнү макулдашты. Тиешелүү келишимге бүгүн Москвада Евробиримдиктин энергия боюнча комиссары Андрис Пиебалгс жана Орусиянын энергетика министри Сергей Шматко кол коюшту. Анда энергия менен камсыздоо үзүгүлтүккө учурачыдай болуп турган шартта эки тараптын иш алып баруусунун жол-жоболору жазылган. Эң соңку ирээт быйыл январда Орусия менен Украинанын газ баасынан улам тутанган чатагы Евробиримдиктин бир нече өлкөлөрүндө Орусиядан келген газ басымы азайышына алып барган, айрымдарына көгүлтүр от такыр эле жетпей калган болчу.
