Баш катчы Пан Ги Мун ушул аптада Кабулда Улуттар уюмунун беш кызматкери жана дагы 3 ооган жараны мерт болгон кол салуу жана дагы жаңы коркутуулардан улам 7-ноябрдагы президенттик шайлоо алдында Ооганстандагы эл аралык кызматкерлердин коопсуздугун кайтарууну күчөтүүгө үндөдү. Пан Ги Мун ушу тапта Ооганстан менен Пакистан чет элдик уюмдар үчүн эң кооптуу жайга айланганын, жыл башынан бери дүйнөдө Улуттар уюмунун 27 кызматкери өлтүрүлсө, алардын жарымынан көбү ушул эки өлкөдө жан бергенин маалымдады.
