Жогорку Кеңештин Коргонуу, коопсуздук, укук тартиби жана сот-укук реформасы боюнча комитети карызы бар кыргызстандык жарандарын өлкөдөн чыгуусун чектөө боюнча мыйзамга өзгөртүү-толуктоо киргизүүнү жактырды. Мындай демилгени көтөрүп чыккандардын бири, депутат Бакыт Төрөбаевдин айтымында, азыр өлкөдө карызын кайтарып бербей соттошкон фактылар көбөйүп жатат. Банктан алган насыясын төлөбөгөн, же кайсы бир ишканага же жеке адамдарга карызы бар жарандар соттун карызды төлөп берүү тууралуу чечимине карабастан чет мамлекеттерге кетип калып жатат, дейт Б. Төрөбаев. (EBM)
