Петровка айылындагы маданият үйүндө болуп жаткан сот жараяны электр жарыгынын өчүп калгандыгына байланыштуу убактылуу токтоп калды. Бул тууралуу “Жашылдар” партиясынын мүчөсү Наргиза Абдылдаева “Азаттыкка” билдирди. “Жарык эмне себептен өчкөнү белгисиз. Соттун чечимин прокурорлор окуй албай тыныгууга чыкканбыз. Балким сотту башка күнгө которуп коюшу да мүмкүн”, - дейт Н.Абдылдаева. “Жашылдар” партиясынын лидери Эркин Бөлөкбаев, “Болуш” бирикмесинин башчысы Сапар Аргымбаев жана дагы бир укук коргоочу активист Улан Рыскулов 26-апрелде Петровка айылында чыккан чырды уюштурду деген айып тагылган. (KE)
