Облустук бийлик билдиргендей, 16- сентябрда кечке жуук жолдун 255-чакырымында жүк сүйрөгөн техника менен жеңил автоунаа кагышып кеткен. Бул автокырсыктын айынан “Фольксваген-Пассат” үлгүсүндөгү автоунаанын айдоочусу менен анын эки жүргүнчүсү кырсык болгон жерде каза тапкан. Денесинен жарадар болгон үчүнчү жүргүнчү Токтогул райондук ооруканасына жеткирилген. Ушу тапта жол коопсуздугунун кызматкерлери райондун Чычкан капчыгайында катталган автокырсыктын себептерин изилдешүүдө. (YA)
