Бүгүн Иран дүйнөдөгү алдыңкы алты өлкөгө өзүнүн өзөктүк программасы боюнча жаңы сунуштарды тапшырат. Бул тууралуу Ирандын тышкы иштер министри Манучер Моттаки билдирди. БУУнун Коопсуздук кеңешинин туруктуу мүчөлөрү Иранды өзөктүк курал даярдоодо деп айыптап келишет. 7-сентябрда Ирандын президенти Махмуд Ахмадинежад Тегеран сүйлөшүүлөргө даяр болгонун, бирок дүйнөнүн алдыңкы алты өлкөсү менен өзөктүк программасы тууралуу сүйлөшпөй турганын билдирген.
