Грузиядан өз алдынчалык жарыялаган жумурияттын жетекчиси бүгүн анын «аймактык сууларына» кирген грузин кемелерин жок кылууга буйрук берди. Сергей Багапш Интерфакска Грузиянын «каракчылык иштеринен улам» ушундай чарага барууга мажбур болуп жаткандыгын билдирди. Тбилисинин өкмөтү Абхазиянын жээгин жана чек араларын Орусия көзөмөлдөгөндүктөн, өз кемелерине кол салуу болсо, Москвадан жооп сураарын эскертти. Кечээ Грузияда Абхазияга күйүүчү май ташып бараткан жеринен кармалган түркиялык капитан 24 жылга эркинен ажыратылган эле.
