Эркин Булекбаев, Сапар Аргынбаев, Уран Рыскуловго байланыштуу ишти карап жаткан судья Марлес Феликстен жана мамлекеттик айыптоочу прокурордон баш тартуу боюнча жактоочулардын арызы 8-сентябрда Чүй облустук сотунда каралат. Бул тууралуу “Жашылдар” партиясынын басма сөз кызматынан билдиришти. Маалыматка караганда, обулсотто Петровка окуясына байланыштуу иш каралбайт. Чүй облустук сотунун чечиминен кийин ал маселе Москва райондук сотунда каралат. Буга чейин Эркин Булекбаев, Сапар Аргынбаев, Уран Рыскуловдун жактоочулары алардын ишин карап жаткан судья менен прокурорго ишеним көрсөтпөй Чүй облустук сотуна кайрылышкан. (AJ)
