Бириккен Улуттардын дипломаттары билдиргендей, кемени мындан бир нече жума мурда Бириккен Араб Эмираттары колго түшүргөн. Атын атагысы келбеген булактарга ылайык, кырдаалды учурда Бириккен Улуттардын санкциялар комитети иликтеп жатат. БУУнун Коопсуздук кеңешинин 1874-резолюциясы Түндүк Кореянын курал экспортуна тыю салат. Бул чектөө Түндүк Кореяга өлкө май айында экинчи ядролук сынак өткөргөндөн кийин киргизилген.
