Кыргызстандын маданият жана маалымат министри Султан Раевдин “Азаттыка” маалымдоосуна караганда, 31-август Эгемендүүлүк күнү жалпы өлкө аймакарында белгиленип, жер-жерлерде, шаарлардын аянттарында оюн-зооктор уюштурулат. Бишкекте Токтогул Сатылганов атындагы улуттук филармонияда президенттин катышуусу менен салтанаттуу жыйын болот. Ошол эле күнү Бишкекте ат майданында президенттин кубогуна көк-бөрү таймашы, ал эми 27-28-29-августа Ош шаарында төкмө акындардын республикалык конкурсу болот. (AiT)
