Парламент төрагасы Айтибай Тагаев Баткен облусунун Кызыл-Кыя шаарындагы шайлоо участогунда добуш берди. Төрага А.Тагаев бүгүнкү Президентик шайлоо күнү эгемен Кыргызстандын тарыхында калчу өзгөчө окуялардын бири экендигине токтолду. Ал Кыргызстан элин өздөрүнүн конституциялык укугун пайдаланып, президенттикке татыктуу деп тандаган талапкерине добуш берүү үчүн шайлоого активдүү катышууга чакырды. “Урматтуу мекендештер, сиздердин добушуңуздар – өлкөбүздүн келечегин аныктайт”, - деген Төрага ар бир добуш мааниге ээ экендигин белгилеп өттү.(AiT)
