Мындай маалыматты Ат-Башы районунун Кызыл-Туу айылынын тургундары Керез Айдаралиева, Султангазы Токтокадыров «Азаттыкка» телефон аркылуу маалымдашты. "15-июлдан тарта жыйырмадай адамды сурап, тынчыбызды ала башташты. Эмнеге барабыз десек, жөн эле түшүндүрүү иш менен, силер мыйзамсыз жол тосконсуңар" дейт алар. Бирок Кызыл-Туу айылынын тургундары Ат-Башы айылына барып сурак берүүдөн баш тартышкан. Улуттук коопсуздук кызматынын Ат-Башы району боюнча бөлүм жетекчиси подполковник Марат Баатырбеков 6-июлдагы жол тосуу боюнча түшүндүрүү иштери гана жүргүзүлүп жаткандыгын билдирди. (KUs).
