ЕККУнун Бишкек борборунун маалыматына караганда Кыргызстандагы президенттик шайлоодогу байкоочулар тобун канадалык сенатор Консиглио Ди Нино жетектейт. ЕККУ Парламенттер аралык ассамблея башчысы Жоао Соареш дайындаган бул сенатор 2007-жылы Казакстанда өткөн президенттик шайлоодо да байкоочулар миссиясын жетектеген. Жоао Соареш өткөн аптада Бишкекте президент Курманбек Бакиев менен жолугушуудан кийин байкоочулардын саны көбөйгөндүгү маалымдалган. Анын алдында БШК байкоочулардын санын 23кө кыскарткан болчу. (BuS)
