“Кылым шамы” бейөкмөт уюмунун жетекчиси Азиза Абдурасулованын арызын Консот кечээ кабыл алды. Анда укук коргоочу Шайлоо кодексинин 28-беренесинин 3-бөлүгүнө Башмыйзамдын 21-беренесинин 6-пунктуна карата тактама берүүсүн өтүнүп кайрылган. Укук коргоочунун арызында белгиленгендей азыркы президент кызматын өткөрбөй туруп, шайлоого катышса –талапкерлердин ортосунда теңчилик болбойт, ошондуктан, Шайлоо кодексинин бул беренеси Башмыйзамга туура келбегендиктен өзгөртүлүүгө тийиш. Бул тууралуу “Кылым шамы” бейөкмөт уюмунун маалымат кызматы кабарлады.(ZKo)
