Шах Мехмуд Курешинин айтымында, анын өлкөсүнүн өкмөтү Талибандын согушкерлерине каршы күрөшүү үчүн эл аралык жардамга көбүрөөк муктаж, болбосо алардын таасири Индия менен Перси булуңуна да жайылат. Пакистан тышкы иштер министри мындай эскертүүнү британдык “Financial Times” гезитиндеги интервьюсунда жасады. Эки күндөн кийин Евробиримдик –Пакистан саммити өткөнү турат. Исламабадга жардам көргөзүү саммиттин күн тартибиндеги башкы маселе болчудай. Учурда Пакистан өлкөнүн түндүк –батышында уруулар жашаган аймакта талибдерге каршы чабуулун кеңейтүүдө.
