Азия футбол конфедерациясы президентинин кубогуна футбол боюнча тандап алуу оюндары жыйынтыкталды. Бүгүн мелдештин акыркы күнү эки беттешүү болду. Түштөн кийин Спартак стадионунда Камбоджанын чемпиону “Пномпень Краун” командасы менен Бутан мамлекетинин “Йездин” командалары беттешип, натыйжада 3:1 эсеби менен Камбоджанын оюнчулары жеңишке жетишти. Кыргызстандын беш жолку чемпиону Нарындын “Дордой-Динамо” командасы Мьянма өлкөсүнүн чемпиону “Канбавза” командасы менен чечүүчү таймашта күч сынашып, 2:1 эсебинде утуп алды. Кыргызстандык команда бул жеңиши менен жарым финалга чыгып, сентябрь айында боло турган оюнга катышууга укук алды.(ZKo)
