Соода-экономикалык кызматташтык боюнча кыргыз-кытай өкмөттөр аралык комиссиясы бүгүн Пекин отурумуна чогулууда. Ага катышуу үчүн Кыргызстандан биринчи вице-премьер министр Өмүрбек Бабанов баштаган өкмөттүк делегация Кытайга кетти. Отурумда соода-экономикалык алакалардын актуалдуу маселелеринен тышкары темир жол курулушуна байланышкан маселе да талкууланат деп болжолдонду. Кыргыз өкмөтүнүн маалыматына караганда отурумдун жыйынтыгы боюнча протокол кабыл алынат. Кыргыз-кытай өкмөттөр аралык комиссиянын Бишкек отуруму 2006-жылы болгон. (BuS)
