Бул тууралуу өкмөттүн аймактык маселелер боюнча бөлүм башчысы Саламат Аламанов бүгүн билдирди. Анын айтымында, Кыргызстан менен Өзбекстан Чек айлындагы чек арасын эбак эле тактап алган. Натыйжада айылдагы көчөнүн бир тарабы Өзбекстанга экинчи бети Кыргызстанга карап калган. Чектеги үй-бүлөлөр арасында атасы өзбек атуулдугун, ал эми баласы кыргыз жарандыгын алып жүргөн сыяктуу учурлар бар. Бирок делимитация укуктук жактан күчүнө кирмейинче, өзбек тарап көзөмөл бекеттерин орнотууга болбойт эле, дейт С. Аламанов. Азыр кыргыз-өзбек чек арасында элүүдөн ашык такталбаган жер бар. (EBM)
