Түркия Армения Тоолуу Карабак боюнча позициясын өзгөртпөсө орток чегараны ачпайбыз деп Азербайжанга убада берди. Премьер-министр Режеп Таип Эрдоган мындай билдирүүнү Бакуда Азербайжандын башчысы Илхам Алиев менен жолугушуудан кийнки маалымат жыйынында жасады. Анкара менен Еревандын жакындашуу аракеттери Азербайжанды бейпага салууда. Түркия Армения менен чек араны 1993-жылы Тоолуу Карабак жаңжалы тутанганда Бакуга колдоо көргөзүү иретинде жаап салган.
