Чукул кырдаалдар министрлигинин басма сөз кызматкери Абдишарип Бекиловдун “Азаттыкка” билдиришинче, 28-апрелде түштөн кийин жана кечке жуук жааган жамгырдын кесепетинен Ош, Жалал-Абад облустарынын айрым аймактарында сел жүрдү. Бир катар турак-жайларды суу каптады. Адам өмүрүнө зыян келген учур катталган жок.
Оштун Ноокат районундагы Зулпуев айыл округунун Ата-Мерек, Калдай, Учбай, Жатан жана Таштак айылдарында селден болжол менен отуз турак-үйдү суу каптады. Беш турак-үй авариялык абалда турат. Кара-Кулжа районунда болсо, Мырзаке-Кара-Кулжа-Алайкуу унаа жолунун 40-41-чакырымында кыян суусу түшүп, жол убактылуу жабылган. Бул жол кайра кечки саат 20:40та ачылган.
Жалал-Абад облусунун Аксы районунун Тосту айылдык участкасында төрт турак-үйдүн там аркаларын суу баскан. Мындан тышкары айылдагы ички чарбалык көпүрөнү жана бир жолдун алтымыш метр бөлүгүн суу жарактан чыгарган. Кара-Башат учаскасында үч турак-үйгө сел кирип, беш турак үйдүн там аркасын суу баскан.
Чукул кырдаалдар министрлиги сел болгон аймактарда тактоо иштерин жүргүзүүдө. Буга чейин жааган жамгырдан сел жүрөрү эскертилген. (KKs)
Оштун Ноокат районундагы Зулпуев айыл округунун Ата-Мерек, Калдай, Учбай, Жатан жана Таштак айылдарында селден болжол менен отуз турак-үйдү суу каптады. Беш турак-үй авариялык абалда турат. Кара-Кулжа районунда болсо, Мырзаке-Кара-Кулжа-Алайкуу унаа жолунун 40-41-чакырымында кыян суусу түшүп, жол убактылуу жабылган. Бул жол кайра кечки саат 20:40та ачылган.
Жалал-Абад облусунун Аксы районунун Тосту айылдык участкасында төрт турак-үйдүн там аркаларын суу баскан. Мындан тышкары айылдагы ички чарбалык көпүрөнү жана бир жолдун алтымыш метр бөлүгүн суу жарактан чыгарган. Кара-Башат учаскасында үч турак-үйгө сел кирип, беш турак үйдүн там аркасын суу баскан.
Чукул кырдаалдар министрлиги сел болгон аймактарда тактоо иштерин жүргүзүүдө. Буга чейин жааган жамгырдан сел жүрөрү эскертилген. (KKs)