Бул тууралуу депутаттык комиссиянын төрагасы Токон Мамытов билдирди. Анын айтымында, учурда иликтөөдөн кийинки корутунду жана сунуш даярдалып жатат. Былтыркы июнь коогасы боюнча депутаттык комиссия парламенттин алгачкы отурумунда түзүлгөн. Ага ар бир фракциядан бештен депутат кирген. Түштүк окуялары боюнча эл аралык комиссия да ишин аяктап иликтөөсүнүн жыйынтыгын кыргыз бийликтерине жөнөткөн. Азыр ага комментарий даярдалып жатат. Ага чейин июнь коогасынын тутанган себептерин Улуттук комиссия да иликтеп чыккан болчу. (EBM)
