Орусиянын Тышкы иштер министри Сергей Лавров буга байланыштуу Люксембургда билдирүү жасап, Орусия биримдиктин мурдагы советтер союзуна кирген өлкөлөрдө өз таасирин орнотуу дымагына тынчсызданып жатканын айтты. Европа биримдигинин ырасмий өкүлдөрү буга чейин Орусиянын мындай кооптонууларын бир канча жолу жүйөсүз катары четке кагышкан. Биримдик 7-майда Украина, Молдова, Азербайжан, Армения, Грузия жана Беларус президенттерин Прага шаарында чогултуп, «Чыгыш достугу» деп аталган долбоорун баштаганы турат.
