Атомдук энергия боюнча эларалык агенттиктин жетекчиси Мухаммад Эл Барадеи Вашингтондун жаңы мамилесин колдой турганын белгиледи. Агенттик Ирандын уран байытуу аракеттери курал жасоого жол ачышы мүмкүн деп, Тегеран менен тирешип келатат. Иран болсо суюк отун байытуу технологиялары тынчтык максаттарын көздөйт деп ырастоодо. Айдын башында АКШ, Россия, Кытай, Франция, Германия жана Британия Еврошаркеттин тышкы саясат боюнча жогорку өкүлү Хавьер Солананын арачылыгы менен Иранды биргелешкен жыйынга чакыруу ниетин билдиришкен.
