Ооганстандын Ички иштер министри Мухаммед Ханиф Атмардын айтымында, өлкөдөгү 82 миң полициянын санын дагы 15 миңге көбөйтүү зарылчылыгы келаткан президенттик шайлоого байланыштуу болду. Анын айтымында, мындай план Ооганстандын чет элдик өнөктөштөрү жана эл аралык күчтөр менен бирге такталган. Маалыматка ылайык, полиция санын көбөйтүү планы АКШнын президенти Барак Обаманын талип согушчандарына каршы күрөшкөн аскерлердин санын көбөйтүү стратегиясына шайкеш келет.
