Бүгүн Москвада Орусиянын президенти Дмитрий Медведев менен Азербайжандын лидери Илхам Алиев жолугушат. Сүйлөшүүлөрдүн негизги темасы - отун-кубат тармагындагы кызматташтык болору күтүлүүдө. Өткөн аптада Азербайжандын мамлекеттик SOCAR мунай компаниясы орусиялык Газпром менен бул багытта кызматташуу тууралуу сүйлөшүүлөрдү баштоого макул болгон. Ошондой эле Азербайжан менен Орусиянын президенттери Тоолуу Карабак маселесин жана Каспий деңизинин макамы тууралуу сүйлөшөрү кабарланды.
