Энергетика жана отун ресурстар министри Ильяс Давыдовдун айтымында, электр энергиясын өчүрүү Токтогул суу сактагычындагы агып чыккан сууга салыштырмалуу кирген суунун көлөмү көбөйгөндө токтотулат. Министр мындай маалыматты бүгүн президент Курманбек Бакиев менен жолугушууда билдирди. Анын айтымында, азыр Токтогул суу сактагычтагы суунун көлөмү 6 миллиард 400 миң кубметрди түзүп, былтыркы жылдын ушул маалына салыштырмалуу 146 миллион кубметрге аздык кылат. Мамлекеттик башчы эмдиги кыштан жакшы чыгуу үчүн энергетика тармагын эмитен даярдоо милдетин алдыга койду.(BD)
