Кечээ Молдова баш калаасынын борбордук аянтындагы митингге алты миңден он миңге жакын адам катышкан. Оппозиция парламенттик шайлоонун жыйынтыктары бурмаланган деп ырастоодо. Нааразылык акциясына чыккандар бир нече саатка шаардын борбордук көчөсүн буушкан. Анын аралыгында ЕККУ Молдовадагы шайлоо эл аралык талаптарга ылайык өткөнүн билдирди. Расмий маалыматтарга ылайык жекшембиде өткөн парламенттик шайлоодо президент Владимир Воронин башында турган Коммунисттер партиясы 50 пайыз добуш менен жеңди.
