Облустагы лидер аялдар бирикмесинин талкуусунда ички эмгек көчкүндөрү шайлоого катыша албагандыктан саясий укуктары бузулаары белгиленди. Социалдык технологиялар агенттигинин изилдөөсү боюнча былтыр 351 миңден ашык киши ички миграцияда болгон. Чет жакалардан шаарларга, Бишкек менен Чүй бооруна барып иштегендер социалдык укуктарынан айрылып, балдарын окутууда, жөлөк пул алууда кыйналып, медициналык жеңилдиктерден пайдалана албай жатышат. (YA)
