“Ата Мекен” партиясынын лидери Өмүрбек Текебаевдин шайлоого катышпайм дегени бийликтин ага көрсөткөн кысымынын натыйжасы, деп билдирди саясат таануучу Кубан Абдымен “Азаттыктын” таңкы маегинде. Анын айтымында, президент Курманбек Бакиев шайлоого өзү бара турган болсо, чукул кадамдардын бири оппозиция тарабынан шайлоого чыгуучу талапкерлерди алсыратуу болот. “Бийликтин азыркы командасынын негизги максаты административдик ресурсту колдонуу менен президенттик шайлоодон утуп кетүү”,-дейт саясат таануучу. (AJ)
