Мындай маалыматты Баткен облустук акимчилигинин укук коргоо жана коргонуу бөлүмүнүн башчысы Бакытбек Сагынбеков 31-марта «Азаттыкка» билдирди. Анын айтымында, чегара аймактарында социалдык маселелер оор болуп, жашоо шарттары төмөн болгондуктан кыргыз атуулдары кошуна мамлекеттин жарандарына турак-жайларын сатып, өлкөнүн башка аймактарына көчүп кетишүүдө. Мындай үй-жайын чет өлкөлүктөргө сатуу 1994-жылдан башталган. Өткөн жылда эле Лейлек районунун Жаңы-Жер айыл өкмөтүнүн аймагынан 8 турак-жай сатылып кеткен. (JsA)
