Каза болгондор тууралуу азырынча расмий маалымат түшө элек. Бирок полиция офицерлери жана айрым маалымат каражаттары 20 чакты курсант өлгөнүн, бир тобу жарадар болгонун билдиришүүдө. Жүздөгөн полициячылар менен аскерлер имаратты курчоого алып, ок атышуу дээрлик 8 саатка созулганы кабарланууда. Коопсуздук күчтөрү бери дегенде 4 куралчан адамды өлтүргөнүн жана 3 согушкердин колго түшүрүлгөнүн маалымдады. Кол салуу үчүн ким жооптуу экени азырынча белгисиз.
