Ош шаардык ички иштер башкармалыгынын басма сөз катчысы Замир Сыдыков «Азаттыкка» маалымдаганына караганда, Бириккен Элдик кыймылдын түштүктөгү өкүлү Аманбай Сатыбаев 27-марттагы митингден кийин коомдук тартипти бузуп, айрым жарандардын абийирине шек келтирген сөздөрдү сүйлөгөн. Ошондуктан, «Семетей» кинотеатрынын директору Бактыгүл Малабаеванын арызынын негизинде күнөлүү деп табылып, 10 күнгө абакка кесилди. «Акыйкат сот – чындык» укук коргоо борборунун башчысы Равшан Гапиров Аманбай Сатыбаевдин камалышын саясий куугунтук катары айыптады. (ATo)
