Мындай маалыматты “Азаттыкка” БЕКтин Улуттук кеңешинин мүчөсү Темир Сариев билдирди. Анын айтымында, кыймылдын Саясий бюросунун бүгүнкү жыйынындагы башкы маселе – кыймылдын алдыдагы президенттик шайлоого карата тактикасын аныктоо. Андан кийин шайлоого катышуу же катышпоо маселеси каралат. Кыймылдын штаб жетекчиси Азимбек Бекназаров болсо БЭК Бакиевдерсиз шайлоо ураанынын алдында аракет кылат. Эгер шайлоого президент Курманбек Бакиев өзү катыша турган болсо кыймыл бир чечимге, эгер жарышка инилеринин бири чыкса башкача чечимге барышы толук ыктымал,-деди А.Бекназаров.(BD)
