Бээжин Кошмо Штаттары адегенде өз өлкөсүндө тартип орнотуп алсын деп кесе билдирди. Шаршембиде жарык көргөн докладында АКШнын Мамлекеттик департаменти Кытайдагы адам укуктарынын абалы начарлаганын сындаган. Вашингтон өзгөчө Тибет менен Шинжаң Уйгур автономиялуу чөлкөмүндөгү кырдаалга тынчсыздануусун билдирген. Мамлекеттик департаменттин баяндамасында Россиядагы эркиндиктердин чектелиши, Иран, Өзбекстан, Түндүк Кореядагы абал сындалат.
