Ооганстандын президенти Хамид Карзайдын айтымында, ал АКШнын президенти Барак Обаманын администрациясынан «кыраакылыкты» көрүүгө үмүт артат. Карзай өткөн аптада американын Си-Эн-Эн телеканалына интервью берип жатып, Обаманын - Кабулдагы Карзайдын улуттук өкмөтү Ооганстандын калган аймагынан бөлүнүп калгандай элес калтырып жатканын айткан сөзүнө жооп кылды. Карзай Обамадан мындай сөздү угуп абдан таң калганын, мындай чекилик жаңы администрацияда уюуштуруунун жана маалыматтын жетишсиздигинен болушу мүмкүн экендигин айтты. Ал - Обама Ооганстан тууралуу көбүрөөк билгенден кийин «кыраакы көз карашын» айтат деп үмүттөндү.
