Бүгүн Жогорку Кеңеш толуктоолор жана өзгөртүүлөр киргизилген “Улуттук банк жөнүндө” мыйзам долбоорун колдоду. Ага ылайык Улуттук банктын уставдык капиталы 300 млн. сомдон, 1 млрд. сомго көбөйтүлөт. Аталган банктын төрагасы Марат Алапаевдин айтымында, бул каражат Улуттук банктын туруктуулугун камсыз кылууга кепилдик болот. 2009-жылы долларга карата сомдун курсу кандай болот?-деген депутат Алишер Мамасалиевдин суроосуна, төрага сомдун курсун алдын ала айтууга болбостугун, улуттук валютанын туруктуулугу үчүн бардык аракеттер көрүлөрүн билдирди. (AJ)
