Бул тууралуу Кыргызстандын Тышкы иштер министрлигинин Батыш башкармалыгынан “Азаттыкка” билдиришти. Маалыматка караганда, азыркы мезгилде АКШдан кимдир-бирөөнүн келип, антитеррордук коалициянын Манастагы базасы боюнча сүйлөшүү жүргүзөрү тууралуу маалымат жок. Кыргыз өкмөтүнүн базаны чыгаруу боюнча чечимин 9-февралда Жогорку Кеңештин Коопсуздук, коргонуу жана сот-укуктук реформа боюнча комитет карап, аны колдоп берди. Кыргызстан АКШ базасын чыгарууну чечкенин президент Курманбек Бакиев 3-февралда Москвада жарыялаган эле.
