Батыш өлкөлөрү Ирандын орбитага алгачкы жасалма жандоочусун жиберүүсүнө тынчсызданууларын билдиришти. АКШ, Британия, Франция жана Германия мындай технологияны Тегеран аскерий максатта колдонушу мүмкүн деп ырастоодо. Иран бийлиги мындай планы болбогонун билдирди. АКШ жана анын ынтымакташтары Иран өзөктүк курал жасоодо деп эсептесе, Иран мындай айыптоолорду четке кагып, Бириккен Улуттар уюмунун уранды байытуу иштерин токтотуу талабын аткарбай келет.
