Партиянын Нарын шаардык баштапкы бөлүмдөрүнүн бириккен конференциясына 119 делегат катышкандыгы жарыяланды. Нарын шаарындагы №7 орто мектептин жыйындар жайында өткөрүлгөн конференцияда партиянын шаардык бөлүмүнүн координатору Улан Мурадилов партия мүчөлөрүнүн саны 1800гө жеткендигин, өткөн жылда ар кандай 18 кайрымдуулук акциялары өткөрүлгөндүгүн билдирди. Конференцияда Нарын шаарынын 2009-2012-жылга өнүгүүнүн долбоору тууралуу маалыматты Нарын шаар мериясынын аппарат жетекчисинин милдетин аткаруучу Эсентур Өмүралиев жасады. Конференциянын ишине шаар мэри Алмаз Кулматов, Жогорку Кенештин депутаты Нарынбек Молдобаев катышты. (KUs)
