АКШнын жаңы шайланган президенти Барак Обама бүгүн экономиканы стимулдаштыруу боюнча чаралардын топтомун ачыктары күтүлүүдө. Обама жана анын экономика боюнча кеңешчилери иштеп чыккан топтомдо 775 миллиард долларга бааланган сунуштар камтылган. Анын ичинде салыкты жеңилдетүү, жол жана мектептердин курулушу өңдүү долбоорлор бар. Обама экономикалык кризистен чыгуу үчүн жаңы өбөлгө түзүү зарыл экендигин белгилеп, экономиканы өнүктүрүү боюнча жаңы план ал өзү 20-январда президенттик кызматка киришкен соң көп узабай кабыл алынарына үмүт артууда.
