Пакистандын уруулар байырлаган аймагында талип согушкерлери АКШнын пайдасына тыңчылык кылган деп, 3 кишини өлтүрүштү. Бул үч кишинин жасатынын жанында табылган кагазда алар Ооганстандагы америкалык күчтөр үчүн тыңчылык кылган деп жазылган. Мындай айып менен жоочулар буга чейин да ондогон жергиликтүү жашоочуну жана оогандык качкындын өмүрүн кыйышкан.
