Крымдагы Евпатория шаарында, беш кабатуу турак үйдө болгон жарылуудан каза тапкандардын саны, соңку маалыматтарга караганда, кеминде 26га жетти, 21 киши аман-эсен куткарылды. Дагы бир нече адам азырынча урандылардын алдында деп эсептелип, издөө иштери уланууда. 24нөн 25 –декабарга караган түнү болгон жарылуудан беш кабаттуу үйдүн 35 батири кыйраган. Божомолдорго караганда, үйдүн жер төлөсүнөн кычкылтек же ацетилен толтурулган баллондор жарылган.
