Ноокатта Орозо айтта тополоң уюштургандыгы үчүн айыпталып жаткан 32 адамдын иши боюнча Ноокат райондук сотунун көчмө жыйыны Ош облустук сотунун имаратында өтүүдө. Мамлекеттик айыптоочулар 32 адамдын алдын 25, артын 10 жылга эркинен ажыратууну талап кылышты. Ошол эле учурда жактоочулар “Хизб-ут Тахрир” диний экстремисттик партиясынын мүчөсү катары массалык башаламандыкты уюштурган, конституциялык түзүлүшкө коркунуч туудурган, жаш өспүрүмдөрдү кылмыш жасоого аралаштырган, мамлекеттик мүлктү талкалаган жана бийлик өкүлдөрүнө кол салган деген фактылар соттун жүрүшүндө далилденбегенин айтып, айыпкерлердин баарын актоону өтүнүштү. (АТо)
