Орусиядагы кыргыз элчиси Райымкул Аттокуров “Азаттыктагы” маегинде Москвадагы түрктөрдүн “МК” компаниясында иштеген эки миңден ашуун кыргызстандыктардын төрт жүздөйү жумуштан бошотулганын билдирди. Элчи мырза дүйнөдөгү каржы каатчылыгынын айынан азыр курулуш, кызмат көрсөтүү, соода жана башка тармактарда иш орундар кыскарып, көптөгөн адамдар жумушсуз калып жатканын белгиледи. “Мунун кесепети айрыкча биздин жарандарга тийүүдө. Бир-эки айда бул кризиске чыныгы баа берсек болот. Биз азыр кыргыз атуулдары эмгектенген компанияларга барып, мигранттарга мүмкүн болушунча узак убакытка жумуш берсеңер деп сүйлөшүүлөрдү жүргүзүп жатабыз”, - дейт Р. Аттокуров. (ImA)
